LIC Bima Sakhi Yojana: ಕೇಂದ್ರ ಸರ್ಕಾರದಿಂದ ಮಹಿಳೆಯರಿಗೆ ಪ್ರತಿ ತಿಂಗಳು ಸಿಗಲಿದೆ 7,000 ರೂಪಾಯಿ
ದೇಶದ ಮಹಿಳೆಯರಿಗೆ(women) ಗುಡ್‌ ನ್ಯೂಸ್. ಇದೀಗ ಪ್ರತಿ ತಿಂಗಳು ಮಹಿಳೆಯರು 7,000 ರೂಪಾಯಿ ಆದಾಯಗಳಿಸಲು ಸಾಧ್ಯವಿದೆ. ಇದು ಪ್ರಧಾನಿ ನರೇಂದ್ರ ಮೋದಿ(Narendra Modi) ಚಾಲನೆ ನೀಡಿದ ಎಲ್ಐಸಿ ಬೀಮಾ ಸಖಿ ಯೋಜನೆ(LIC Bima Sakhi Yojana) ಮೂಲಕ ಈ ಲಾಭ ಪಡೆದುಕೊಳ್ಳಬಹುದು.
ಏನಿದು ಎಲ್ಐಸಿ ಬೀಮಾ ಸಖಿ ಯೋಜನೆ?
ಮಹಿಳಾ ಸಬಲೀಕರಣಕ್ಕಾಗಿ(Women empowerment) ಪ್ರಧಾನಿ ನರೇಂದ್ರ ಮೋದಿ 9 ಡಿಸೆಂಬರ್ 2024 ರಂದು ಈ ಯೋಜನೆಗೆ ಚಾಲನೆ ನೀಡಿದರು. ಒಂದೇ ತಿಂಗಳಲ್ಲಿ 50 ಸಾವಿರಕ್ಕೂ ಹೆಚ್ಚು ಮಹಿಳೆಯರು ನೋಂದಾಯಿಸಿಕೊಂಡಿದ್ದಾರೆ. 10ನೇ ತರಗತಿ ಪಾಸಾದ 14 ರಿಂದ 70 ವರ್ಷದೊಳಗಿನ ಮಹಿಳೆಯರಿಗಾಗಿ ಈ ಯೋಜನೆ ತರಲಾಗಿದೆ. ಮಹಿಳೆಯರನ್ನು ಸ್ವಾವಲಂಬಿ(Self-sufficient) ಮಾಡುವ ಸರ್ಕಾರದ ಯೋಜನೆ ಭಾಗವಾಗಿ ಈ ಯೋಜನೆಗೆ ಚಾಲನೆ ನೀಡಲಾಗಿದೆ.
ಮಹಿಳಾ ಸಬಲೀಕರಣದ ಪ್ರಮುಖ ಹಾದಿಯಾಗಿ ಕಾರ್ಯನಿರ್ವಹಿಸುತ್ತಿರುವ LIC ಬಿಮಾ ಸಖಿ ಯೋಜನೆ(LIC bima Sakhi yojana)ಗೆ ದೇಶಾದ್ಯಂತ ಭರ್ಜರಿ ಪ್ರತಿಕ್ರಿಯೆ ಲಭ್ಯವಾಗಿದೆ. ಈ ಯೋಜನೆಯು ಮಹಿಳೆಯರಿಗೆ ಸ್ವಾವಲಂಬನೆಯ ಹಾದಿ ತೋರಿಸಲು ಮತ್ತು ಬಡತನ ಕಡಿಮೆ ಮಾಡಲು ಗುರಿಯಾಗಿದೆ. ಮೊದಲೇ ತಿಳಿಸಿದಂತೆ, ಮಾಸಿಕ ₹7,000 ಗಳಿಸುವ ಅವಕಾಶವನ್ನು ಒದಗಿಸುವ ಈ ಯೋಜನೆಯು ದೇಶದ ಗ್ರಾಮೀಣ ಮತ್ತು ಹಿಂದುಳಿದ ಪ್ರದೇಶಗಳ ಮಹಿಳೆಯರನ್ನು ಆಕರ್ಷಿಸುತ್ತಿದೆ.
ಎಲ್ಐಸಿ ಬೀಮಾ ಸಖಿ ಯೋಜನೆ ಎಂದರೇನು?
10ನೇ ತರಗತಿ ಪಾಸಾದ ಮಹಿಳೆಯರಿಗೆ ಎಲ್ಐಸಿ ಏಜೆಂಟ್ ಆಗಲು ವಿಶೇಷ ತರಬೇತಿ ನೀಡಲಾಗುತ್ತದೆ. ಮೊದಲ 3 ವರ್ಷ ಸ್ಟೈಫಂಡ್ ನೀಡಲಾಗುತ್ತದೆ. ನಂತರ ಎಲ್ಐಸಿ ಏಜೆಂಟ್ ಆಗಿ ಕೆಲಸ ಮಾಡಬಹುದು. ಪದವಿ ಮುಗಿದ ನಂತರ ಡೆವಲಪ್ಮೆಂಟ್ ಆಫೀಸರ್ ಆಗಿ ಅವಕಾಶ.
14 ಸಾವಿರ ಮಹಿಳೆಯರ ನೋಂದಣಿ
ಒಂದು ತಿಂಗಳಲ್ಲಿ 52,511 ಮಹಿಳೆಯರು ನೋಂದಾಯಿಸಿಕೊಂಡಿದ್ದಾರೆ. 27,695 ಮಹಿಳೆಯರಿಗೆ ನೇಮಕಾತಿ ಪತ್ರ ನೀಡಲಾಗಿದೆ. 14,583 ಮಹಿಳೆಯರು ಪಾಲಿಸಿಗಳನ್ನು ಮಾರಾಟ ಮಾಡಲು ಪ್ರಾರಂಭಿಸಿದ್ದಾರೆ. ಈ ಮೂಲಕ ಸ್ವಾವಲಂಬಿ ಜೀವನ ಸಾಗಿಸುತ್ತಿದ್ದಾರೆ. ಇದಕ್ಕಾಗಿ ಇಡೀ ದಿನ ಕೆಲಸ ಮಾಡಬೇಕಿಲ್ಲ. ಕಡಿಮೆ ಸಮಯದಲ್ಲಿ ನಿಶ್ಚಿತ ಆದಾಯ ಪಡೆಯಲು ಇದು ನೆರವಾಗಲಿದೆ.
ಪ್ರತಿ ಪಂಚಾಯತ್‌ನಲ್ಲಿ ಒಬ್ಬ ಬೀಮಾ ಸಖಿ:
“ಒಂದು ವರ್ಷದಲ್ಲಿ ಪ್ರತಿ ಪಂಚಾಯತ್‌ನಲ್ಲಿ ಒಬ್ಬ ಬೀಮಾ ಸಖಿಯನ್ನು ನೇಮಿಸುವುದು ನಮ್ಮ ಗುರಿ. ಎಲ್ಐಸಿ ಅವರಿಗೆ ತರಬೇತಿ ನೀಡುತ್ತದೆ” ಎಂದು ಎಲ್ಐಸಿ ವ್ಯವಸ್ಥಾಪಕ ನಿರ್ದೇಶಕರು ಹೇಳಿದ್ದಾರೆ. ತರಬೇತಿ ಹಂತ ಹಂತಗಳಲ್ಲಿ ನೀಡಲಾಗುತ್ತದೆ. ಎಲ್ಐಸಿ ಪಾಲಿಸಿಗಳು, ನೋಂದಣಿ ಪ್ರಕ್ರಿಯೆ, ವಿಮೆ ಕಂತು ಪಾವತಿ ಸೇರಿದಂತೆ ಎಲ್ಲಾ ಮಾಹಿತಿಗಳು, ವಿಧಾನಗಳನ್ನು ತರಬೇತಿಯಲ್ಲಿ ಹೇಳಿಕೊಡಲಾಗುತ್ತದೆ.
2 ಲಕ್ಷ ಬೀಮಾ ಸಖಿ ಗುರಿ:
ಮುಂದಿನ ಮೂರು ವರ್ಷಗಳಲ್ಲಿ ಎರಡು ಲಕ್ಷ ಬೀಮಾ ಸಖಿಗಳನ್ನು ನೇಮಿಸುವ ಗುರಿ ಹೊಂದಿದೆ. 10ನೇ ತರಗತಿ ಪಾಸಾದ 14 ರಿಂದ 70 ವರ್ಷದೊಳಗಿನ ಮಹಿಳೆಯರು ಅರ್ಜಿ ಸಲ್ಲಿಸಬಹುದು.
ಎಷ್ಟು ಸ್ಟೈಫಂಡ್?:
ಮೊದಲ ವರ್ಷ ₹7000, ಎರಡನೇ ವರ್ಷ ₹6000 ಮತ್ತು ಮೂರನೇ ವರ್ಷ ₹5000 ಸ್ಟೈಫಂಡ್. ಇದಲ್ಲದೆ, ಕಮಿಷನ್ ಕೂಡ ಪಡೆಯಬಹುದು.
ಯಾರು ಸೇರಲು ಸಾಧ್ಯವಿಲ್ಲ?:
ಈಗಾಗಲೇ ಎಲ್ಐಸಿ ಏಜೆಂಟ್ ಆಗಿರುವವರ ಸಂಬಂಧಿಕರು ಸೇರಲು ಸಾಧ್ಯವಿಲ್ಲ. ನಿವೃತ್ತ ಉದ್ಯೋಗಿಗಳು ಅಥವಾ ಮರು ನೇಮಕಾತಿ ಪಡೆಯುವವರು ಸಹ ಅರ್ಜಿ ಸಲ್ಲಿಸಲು ಸಾಧ್ಯವಿಲ್ಲ.
ಅರ್ಜಿ ಸಲ್ಲಿಸುವುದು ಹೇಗೆ?:
ಹತ್ತಿರದ ಎಲ್ಐಸಿ ಕಚೇರಿಗೆ ಹೋಗಿ ಅರ್ಜಿ ಸಲ್ಲಿಸಬಹುದು. ವಯಸ್ಸಿನ ದಾಖಲೆ, ವಿಳಾಸದ ದಾಖಲೆ, ಶೈಕ್ಷಣಿಕ ದಾಖಲೆಗಳನ್ನು ಒದಗಿಸಬೇಕು.
ಯೋಜನೆಯು ಮಹಿಳೆಯರಿಗೆ ಹೇಗೆ ಸಹಾಯ ಮಾಡುತ್ತದೆ?
ಬಿಮಾ ಸಖಿ ಯೋಜನೆ(Bima sakhi yojana)ಯ ಪ್ರಮುಖ ಉದ್ದೇಶ ಮಹಿಳೆಯರಿಗೆ ಆರ್ಥಿಕ ಸ್ವಾವಲಂಬನೆಯ ಚತುರ್ಥ ದಾರಿ ಸೃಷ್ಟಿಸುವುದಾಗಿದೆ. ಹಿಂದುಳಿದ ಪ್ರದೇಶಗಳಲ್ಲಿ ಮಹಿಳೆಯರನ್ನು ವಿಮಾ ಕ್ಷೇತ್ರದಲ್ಲಿ ತರಬೇತಿ ನೀಡಿ, ವಿಮಾ ಏಜೆಂಟ್‌ಗಳಾಗಿ ತಯಾರಿಸಲು ಈ ಯೋಜನೆ ಮಾದರಿಯಾಗಿದೆ. ಇದು ಮಹಿಳೆಯರಿಗೆ ತಂತ್ರಜ್ಞಾನಾಧಾರಿತ ಶಿಕ್ಷಣ ಮತ್ತು ಡಿಜಿಟಲ್ ಉಪಕರಣಗಳ ಬಳಕೆಯ ತರಬೇತಿಯನ್ನು ಸಹ ಒದಗಿಸುತ್ತದೆ.
ವೃತ್ತಿ ಅಭಿವೃದ್ಧಿ(Career Development):
ಬಿಮಾ ಸಖಿ ತರಬೇತಿಯನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದ ಮಹಿಳೆಯರು LIC ಏಜೆಂಟ್(LIC agent)ಗಳಾಗಿ ಕೆಲಸ ಮಾಡಬಹುದು.
ಕಮಿಷನ್ ಆಧಾರಿತ ಆದಾಯದ ಜೊತೆಗೆ ಡೆವಲಪ್ಮೆಂಟ್ ಆಫೀಸರ್ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಲು ಅವಕಾಶವಿದೆ.
ಗ್ರಾಮೀಣ ಅಭಿವೃದ್ಧಿ(Rural Development):
ಈ ಯೋಜನೆಯು ಗ್ರಾಮೀಣ ಪ್ರದೇಶಗಳಲ್ಲಿ ವಿಮೆಯ ಅರಿವು ಮೂಡಿಸಲು ಮತ್ತು ಮಹಿಳೆಯರನ್ನು ಕೌಶಲ ಸಂಪತ್ತಿನಿಂದ ಶಕ್ತೀಕರಿಸಲು ಸಿದ್ಧವಾಗಿದೆ.
ಪ್ರತಿಕ್ರಿಯೆ ಮತ್ತು ಯಶಸ್ಸು(Feedback and success):
ಯೋಜನೆಗೆ ಅತ್ಯುತ್ತಮ ಪ್ರತಿಕ್ರಿಯೆ ದೊರಕಿದ್ದು, ಪ್ರಾರಂಭವಾದ ಒಂದು ತಿಂಗಳಲ್ಲಿ 52,511 ಮಹಿಳೆಯರು ನೋಂದಾಯಿಸಿಕೊಂಡಿದ್ದಾರೆ. ಈ ಪೈಕಿ 27,695 ಮಹಿಳೆಯರಿಗೆ ನೇಮಕಾತಿ ಪತ್ರಗಳನ್ನು ನೀಡಲಾಗಿದ್ದು, 14,583 ಬಿಮಾ ಸಖಿಗಳು ಈಗಾಗಲೇ ಕೆಲಸ ಪ್ರಾರಂಭಿಸಿದ್ದಾರೆ. ಇದು ಯೋಜನೆಯ ಪ್ರಾರಂಭಿಕ ಯಶಸ್ಸನ್ನು ಪ್ರತಿಬಿಂಬಿಸುತ್ತದೆ. LIC ತನ್ನ ಗುರಿಯಾಗಿ ಒಂದು ವರ್ಷದಲ್ಲಿ 1 ಲಕ್ಷ ಬಿಮಾ ಸಖಿಗಳನ್ನು ತರಬೇತಿ ನೀಡುವ ಮತ್ತು ಮೂರು ವರ್ಷಗಳಲ್ಲಿ 2 ಲಕ್ಷ ಬಿಮಾ ಸಖಿಗಳನ್ನು ಸೇರಿಸುವ ಉದ್ದೇಶವನ್ನು ಹೊಂದಿದೆ.
ಅರ್ಜಿ ಸಲ್ಲಿಸಲು ಅಗತ್ಯ ಮಾಹಿತಿಗಳು:
ಬಿಮಾ ಸಖಿ ಯೋಜನೆಗೆ ಅರ್ಜಿ ಸಲ್ಲಿಸಲು ಕೆಲವು ಪ್ರಮುಖ ಮಾನದಂಡಗಳು ಇವೆ:
ವಯೋಮಿತಿ: 18 ರಿಂದ 70 ವರ್ಷ.
ಶೈಕ್ಷಣಿಕ ಅರ್ಹತೆ: ಕನಿಷ್ಠ 10ನೇ ತರಗತಿ ಪಾಸು.
ಅರ್ಹರಲ್ಲದವರು:
- – LICಯಲ್ಲಿ ಸೇವೆ ಸಲ್ಲಿಸಿದ ನಿವೃತ್ತ ನೌಕರರು.
- – ಈಗಾಗಲೇ LIC ಏಜೆಂಟ್‌ಗಳಾಗಿ ಕಾರ್ಯನಿರ್ವಹಿಸುತ್ತಿರುವ ಮಹಿಳೆಯರು.
- – LIC ಉದ್ಯೋಗಿಗಳ ಕುಟುಂಬ ಸದಸ್ಯರು.
ಅಗತ್ಯ ದಾಖಲೆಗಳು(Required documents):
- ವಿಳಾಸದ ಪುರಾವೆ.
- ವಯಸ್ಸಿನ ಪುರಾವೆ.
- ಶೈಕ್ಷಣಿಕ ಪ್ರಮಾಣಪತ್ರಗಳು.
- ಭಿಮಾ ಸಖಿ ಯೋಜನೆಯ ಮಹತ್ವ
ಬಿಮಾ ಸಖಿ ಯೋಜನೆ ಬಡತನ ಕಡಿಮೆ ಮಾಡುವುದು ಮತ್ತು ಮಹಿಳೆಯರಿಗೆ ಸ್ವಾಭಿಮಾನ ಹಾಗೂ ಸ್ವಾವಲಂಬನೆ ಬೆಳೆಸುವ ವಿಶಿಷ್ಟ ಪ್ರಯತ್ನವಾಗಿದೆ. ಈ ಯೋಜನೆಯು ಮಹಿಳೆಯರಿಗೆ ಮಾತ್ರವಲ್ಲ, ದೇಶದ ಆರ್ಥಿಕತೆಯ ಮೇಲೆ ಸಹ ಪಾಸಿಟಿವ್ ಪ್ರಭಾವ ಬೀರುವ ನಿರೀಕ್ಷೆಯಿದೆ.
LICನ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಸಿದ್ಧಾರ್ಥ ಮೊಹಾಂತಿ ಈ ಯೋಜನೆಯ ಮಹತ್ವವನ್ನು ವಿವರಿಸುತ್ತಾ, “ಪ್ರತಿ ಗ್ರಾಮ ಪಂಚಾಯಿತಿಗೆ ಕನಿಷ್ಠ ಒಂದು ಬಿಮಾ ಸಖಿ ಒದಗಿಸಲು ಉತ್ಸುಕವಾಗಿದ್ದೇವೆ. ಮಹಿಳೆಯರು ತಮ್ಮ ಜೀವನ ಮಟ್ಟವನ್ನು ಏರಿಸಿಕೊಳ್ಳಲು ಈ ಯೋಜನೆ ತುಂಬಾ ಸಹಾಯಕವಾಗಲಿದೆ” ಎಂದಿದ್ದಾರೆ.
ಭವಿಷ್ಯದ ಸಾಧ್ಯತೆಗಳು(Future possibilities):
ಬಿಮಾ ಸಖಿ ಯೋಜನೆಯು ಮುಂಬರುವ ವರ್ಷಗಳಲ್ಲಿ ಹೆಚ್ಚು ಮಹಿಳೆಯರನ್ನು ಆಕರ್ಷಿಸಲು ಸಾಧ್ಯವಿದ್ದು, ಭಾರತೀಯ ವಿಮಾ ಕ್ಷೇತ್ರದಲ್ಲಿ ಮಹಿಳಾ ಪ್ರತಿನಿಧಿಯನ್ನು ಹೆಚ್ಚಿಸಲು ಸಹಾಯಕವಾಗಲಿದೆ. ಮಹಿಳಾ ಸಬಲೀಕರಣಕ್ಕಾಗಿ ಈ ಮಾದರಿ ಯೋಜನೆಗಳು ಇತರ ದೇಶಗಳಿಗೆ ಸಹ ಉದಾಹರಣೆಯಾಗುವ ಸಾಧ್ಯತೆಯಿದೆ.
ಬಿಮಾ ಸಖಿ ಯೋಜನೆ ಮಹಿಳೆಯರನ್ನು ಆರ್ಥಿಕವಾಗಿ ಮತ್ತು ವೃತ್ತಿಪರವಾಗಿ ಶಕ್ತೀಕರಿಸಲು ಒಂದು ನೂತನ ದಾರಿ. ಮಹಿಳೆಯರು ತಮ್ಮ ಕುಟುಂಬ ಮತ್ತು ಸಮಾಜದ ಪ್ರಗತಿಯಲ್ಲಿ ಕೊಡುಗೆ ನೀಡುವ ಮೂಲಕ ಸ್ವತಂತ್ರತೆಯ ಕನಸು ಸಾಕಾರಗೊಳ್ಳಬಹುದು